emaN ʚɞ

Your Tagline

  • 17th September
    2014
  • 17
  • 17th September
    2014
  • 17
  • 17th September
    2014
  • 17

فَكرت تكتب قبل كده جواب لحد بتحبه ؟؟!
مجربتش ؟؟!
طب جَرب ،، هتحس بسعاده غريبه .. شُفت انت سعادتك لما تجيلك مسج علي الموبايل او الواتس او الفيس منه ،، أهي السعاده دي لا تضاهي السعاده اللي هتحسها لما تستقبل جواب مكتوب من حد بتحبه ،، التكنولوجيا بتفقدنا براءه الحُب علي فكرة .. جربوا ومش هتندموا علي فكرة 

  • 17th September
    2014
  • 17
انا مبسوط بيكي وليكي =)

Asked by: ibrahimology

ربنا يبسطك دايمآ ياابراهيم .. ويديك علي قد نيتك الحلوة دي وقلبك الطيب :))))

  • 17th September
    2014
  • 17
  • 17th September
    2014
  • 17

_أنهارده حاسه ان فيا تغير ،، بس ايه هو معرفش حتي لما رجعت من شغلي اختي قالتلي مالك ياايمان انتي وشك منور كده ليه ،، وأخويا فضل باصصلي ومتنح وكل شويه يقولي مالك يابت فيكي ايه .. وانا اقولهم والله عا دي .. كل الحكايه اني بحاول اكون ايمان جديده 
_في طريق رجوعي من الشغل كنت راكبه الميكروباص انا و4 بنات معايا ،، كنا لوحدنا احنا ال5،، السواق كان فاتح اغنيه خلص تارك بتاعت صابر الرباعي بس اللي كان بيغنيها “عبدالباسط حموده” فضلت اغني معاها بصوت عااالي والعيال جنبي يسقفوا ،، اول مره اغني بصوت عالي كده ،، ضحكت وقتها من قلبي والله
_طول النهار برغم الحـر ودور البرد اللي ماسكني وتاعبني بس كنت حاسه ان في فراشات بطير حواليا ازاي معرفش ،،  حتي كنت كل شويه اسئل نفسي انتي اتجننتي ياايمان ولا ايه ؟؟
_  بقالي يومين بنام عالساعه 12 بالكتيير 12.30 وده في حد ذاته مؤشر كويس ،، اه نوم متقطع بس احسن من الاول ،، الاول كنت بنام عدد ساعات قليله وفي نفس الوقت نوم متقطع
وبقالي برضوا يومين مخدتي مبتشوفش دموعي ،، انا من كتر الدموع اللي كانت بتنزل من عيوني كل يوم قبل ماانام  تحت عينيا اتفشخ سمار وتَعب 
_وزنت نفسي انهارده لقتني 51 كيلو الا شويه حاجات بسيطه منكرش اني زمان كنت احلي من دلقوت وجسمي احلي وكنت مدملكه كده في نفسي ،،  بس معلش اللي عَدي مش شويه ،، كل حاجه هتبقي كويسه وهرجع لجسمي بتاع زمان واحسن ان شاء الله :))
  في اخر اليوم لقيت اجابه لسؤالي : انتي اتجننتي ياايمان ؟
لا انا عقلت ،، وكرهت الحُزن والدموع والاكتئاب والمرض .. 
من الاسباب اللي كانت تعباني وفاشخه نفسيتي الفتره اللي فاتت تَعب رجليا ،، بس حاسه ان خلاص التَعب نفسه تعب مني،، كفايه كده 7 سنين من الالم والادويه والعلاج وناس تجبني وناس توديني ،، عندي يقين في ربنا اني خلاص هخف وان شاء الله مش هحس بوجع تاااني 
_ هو .. الحاجه الحلوة اللي فـ حياتي ،، البراح اللي بيخليني اتنفس لما الدنيا بتخنق عليا ،، معرفش بكرة مخبيلنا ايه ،، وعارفه ان في مشاكل كتير عَدت علينا بس كل مره بنبقي اقوي منها وبنخرج من المشاكل دي ايدينا فـ ايد بعض … ياارب انا بحبه اووي ومعرفش انت مخبيلنا ايه ،، بس كل أمل ان اللي انت مخبيه خيـر
متحرمنيش منه يـارب ،،  انا  مليش غيره بَعدك .. يارب أهديه وقَربه منك
سامحني يارب علي كل مره اعترضت فيها علي الوجع او التعب وعلي كل مرة قلت اشمعنا انا
 

  • 17th September
    2014
  • 17
  • 17th September
    2014
  • 17
  • 17th September
    2014
  • 17
  • 17th September
    2014
  • 17